mere nasiib ne jab mujh se intaqaam liyaa

mere nasiib ne jab mujh se intaqaam liyaa 
kahaa.N kahaa.N terii yaado.n ne haath thaam liyaa 

fazaa kii aa.Nkh bhar aa_ii havaa kaa rang u.Daa 
sukuut-e-shaam ne chupake se teraa naam liyaa 

[fazaa=vast expanse; sukuut=silence] 

vo mai.n nahii.n thaa ek harf bhii na kah payaa 
vo bebasii thii ke jis ne teraa salaam liyaa 

har ek Khushii ne tere Gam kii aabaruu rakhalii 
har ek Khushii se tere Gam ne inteqaam liyaa