misl-e-Khayaal aaye the aa kar chale gaye
Fani Badayuni
misl-e-Khayaal aaye the aa kar chale gaye
duniyaa hamaarii Gam kii basaa kar chale gaye
phuulo.n kii aas dil se lagaaye hue the ham
kaa.NTe vo raaste me.n bichhaa kar chale gaye
aayii na thii hamaare chaman me.n bahaar abhii
wo aag aashiyaa.N me.n lagaa kar chale gaye
bhuule se bhii kabhii na dil ham bhulaa sake
dil se hame.n vo apane bhulaa kar chale gaye
Contributed by Yogesh Sethi
Corrections by Parmjeet Sarkar